廟街塔羅遊

有時跟朋友們聊到星座命理的時候, 都會提及廟街
廟街睇相占卜是香港的特色, 可惜我還未去過
昨天與友人一起到廟街探訪, 試試有名的占卜
去之前也有做少少的research
公廁旁的塔羅B好像很多人讚, 還有 KING, TINA, 呀紫等等
去到原來個個都係公廁附近, 我點知邊檔先係= =
我們下午5時就到達, 原來大家都晚上7, 8時才開檔
請原諒我們是鄉下妹

等待的時候到處走走, 沿公廁向停車場走也有一排檔鋪
女店主們一看見你就說: 小姐贈你一句, 入黎坐呀
成堆食人花真心嚇襯
本身係想搵KING, 可以佢有appointment 遲遲都未得
而朋友又趕時間
見到有一檔叫 VIENNA開左, 網上評價中規中矩
我們也不想白走一趟, 決定嘗試一下!

一開始VIENNA洗牌, 又會叫你洗, 之後抽6隻
我是問事業, 想知道將來畢業會從事那行比較好
一打開牌, 當然我係完全唔知係咩
而佢就一輪咀BILIBALA咁解釋
對不起我一句也不明白@@
之後佢會問你幾時出世, 然後睇你係咩星去解釋
我兩位朋友就問愛情
我覺得每個睇相佬解釋性格一定會準
因為都係就住個金木水火土去解釋
VIENNA講過去OK, 個將來就有點含糊
簡單來說, 可以唔使去
$80問一方面, 你問都好DETAIL都得, 都叫抵玩

有些事, 當人解釋不到, 感到迷茫, 或有選擇困擾的時候
就希望尋求神明的協助, 希望會有一些指示
其實大部分時間, 自己心裡也有個答案
希望神明去肯定答案, 尋找支持
倘若神明反對, 人最常的反應就是: 唔準
或者會自動過濾負面預言, 只接收正面訊息
這是人之常情
只要記得 It's for fun only, why so serious?
------------------------------------------------------------------------------------------
22 Nov 2013
整理文章的時間加少少資料先！
之後我又去多兩次 (又俾人搵多兩次笨)
有一次係去搵呀KING隔離個個
聽聞佢係同呀KING同一個師父
每次見到呀KING條隊長過長城，我都係放棄搵第二個
原來塔羅牌只可以最多幫你預測未來3年的發展
不過解釋都係無咩幫助

第二次去睇常歡
話說同學仔之前睇過佢話好準，所以今次又試下
點知都係一樣，毫無新鮮
我認為常歡可以去做sale, 佢不停sale佢自己本書 (唔通賣唔出!?)
之不停叫我地問多題, 去做美容院一定得！
有少少特別的是佢幫你睇掌紋，唯一收穫

所以，都係唔好去搵笨啦！