廟街塔羅遊 2.0

未來是充滿神秘的
你明知廟街的江湖術士的說話一定係空泛大包圍
你依然都會去奉上金錢去偷窺一下未來
我，又去了廟街一轉

先講年初前同兩位姊妹的睇相經歷
我的兩位姊妹對塔羅無興趣，比較想睇相
所以就分別光顧兩間中年近老年的呀叔
第一位是白髮呀叔，全程只是不停講因為猴年有驛馬星
所以就會有轉變（沒有說什麼轉變）
而我們最深刻的就是呀叔不停地稱呼我朋友但沒有說下去
簡單來說，佢同麥玲玲在無記新春節目講十二生肖運勢是沒分別

第二位是聲稱在廟街打滾了二十多年的呀叔
這位呀叔有認真望望你的相面，作出少許評價
之後又睇掌相，睇你遇到幾多位男人及幾時結婚
不過我同朋友全部都廿六七歲結婚，全部都得兩三個
所以都係空泛的，不過呀叔比較真誠，一百蚊都可以的

今天因為想知道幾時搵到工，所以都去問問神明
七點到廟街都只有大約一半檔鋪開了
最後我選擇了有一檔應該是新的塔羅，一位年輕頗美的女占卜師Anna
（因為男友拒絕到年長的，而好評那位美女）
檔口沒有banner沒有與明星的相片，只有黑色的布和一座香薰在桌上
$120一條大問題，無限細問題不加錢
在每次抽牌掀牌，Anna都會解釋牌的意思
我比較喜歡佢同番我講究竟我抽左咩牌出黎
例如我問究竟我做xxx好嗎？抽了三隻牌出黎然後Anna話隻牌係金幣，代表搵到錢
佢的占卜方法比較簡單，而我都容易明白，所以我評價頗高

希望如Anna所言，我真係可以搵到錢，哈哈！

Cath Kidston 碎花下午茶 ＠ east

一直也很想很想裝貴婦去酒店high tea
可惜價錢太太太貴了‥‥學生哥負擔不起
突然找到在east hotel的Feast最近跟Cath Kidston合作，tea set只是$228 for 2!
上網睇食評所以器皿都係碎花，我二話不說馬上訂位！

坐底見到隻粉紅色碎花碟，我已經極興奮!!!!!!!
仲有小禮物包送，內裡是小hand cream一支 ＆ 10% discount coupon

好啦好啦有得食啦~~~~
一送上枱‥‥嘩!!!真係相機食先!!!!!
成個set都好少女好夢幻（碎花碟功不可沒!）

頂層是乾果鬆餅配忌廉及草莓果醬
認真全個set最好食就係呢2件scone

中層是甜食的伯爵茶小蛋糕、法式玫瑰忌廉杏仁餅及橙蜜朱古力
本身唔太鐘意食cupcake上面的cream，成日覺得會係超級甜
但見到玫瑰花咁精緻，真係好想食!! 幸好唔太甜，配上件cake真的不錯！
雖然earl grey味不太特出，但本身件cake是好吃的，所以這個也加分~
(題外話: east hotel喜歡送cupcake俾客，如果遇到投訴都會送件cupcake安撫客人。
在career day & recruitment talk他們也大派cupcake，應該是暢銷食品)
Marcaron有淡淡的玫瑰香味，但與其他marcaron沒有大的分別
粉紅色正方磚內裡是白朱古力，或者食左之前2件甜品，
再食一大磚白朱古力有點過火，所以我對它不太好評

底層是飽肚的食物: 蜜汁火腿芥末三文治、茶烟薰三文魚配青瓜及辣根三文治、鴨蛋沙律西洋菜三文治、乾蕃茄蝴蝶酥、芝士煙肉批、火腿芝士露筍卷
三文治類和煙肉批不過不失，parma ham一向是我最外
但蝴蝶酥實在是太咸‥‥還有點硬，這個真的扣分

 送一杯飲品，連茶品都咁少女>.< 我真係好想偷晒番屋企‥‥

總結，Tea Set的食品不過不失，沒有什麼驚喜，甜食較優秀
但有少女碎花搭夠，我都推介各碎花迷食個下午茶
既可以影相，又可以同朋友輕輕鬆鬆傾下計，同埋價錢在hotel set tea算是優惠
不過記得早d到，因為餐廳5:30要你交枱，無得遲走
希望大家有一個少女碎花的下午^_^

與國航衝上雲霽

PolyU終於良心發現, 新年發整整一星期!

所以決定飛去美國Houston找男友順便渡個假

不向我也有留意由香港飛去Houston的機票,

發現中國國際航空 Air China HKD7000來回超級便宜!

路線也不錯, 香港去北京, 北京直飛Houston.

飛大約18小時, 在北京轉機時間有一小時

其實也挺心動的, 想當年Qanta Airway單程收我一萬塊!

只怪當時年紀少, 不懂去格價

現在HKD7000來回, 簡直是窮學生的恩物!

但國航的負面新聞多的是, Delay像是家常便飯,

還有前幾個月又有派發過期食物的新聞，令我真心卻步

不過... 鬼叫你窮呀頂硬上!

HKD7000殺呀!!!!!

這篇文章要為大家掀開國航的神秘面紗(其實一點也不)

由香港飛北京大約3小時，座位前沒有電視，只有公共電視播放著奇怪的節目

有飛機餐，我選了個豬肉飯，除了甜品有點奇怪沒有吃，其他也是正常的

因為在北京轉機只有一小時，所以要狂奔到另一個Gate

不過指不太清楚，我和幾位外國客也東張西望了一會才找到了出口

*溫馨提示：香港朋友記得帶回鄉證，我還以為轉機只需Passport,

但在香港登機或北京轉機也需出示回鄉證，所以要準備定

北京的機場跟香港很像，但他們有熱水機，有乘客自備杯麵在待機時候享用，十分明智！

到了閳口已是最後召集，下次要再行快點！

由北京到Houston大約15小時，真是很辛苦⋯

國航總共派2次餐，臨落機會派一份三文治

或者我大食，我又真的會肚餓，幸好有自備食物，哈哈

頗有趣的是國航的共用電視會播放健身操，我和旁邊的大叔也一起做

獨立電影機的電視選擇不算很多，但也很update!

有我最愛的北京遇上西雅圖，我第三次看也覺得很感動T^T

這就是我乘搭國航的經驗

當然不可以跟國泰或韓亞比較，但便宜的價錢已勝了

國航也有很多去美國的航班，大家記得到官網訂

因為我去sky scanner 看看也比官網貴，而且官網比較flexible 

如果大家想省錢去美國，不妨考慮一下國航！